News

jn 15, 2015
Category: General
Posted by: vefur

Ný vefur í vinnslu.

Vonum að upplýsingar séu réttar þó útlitið sé enn í vinnslu.

CMS - 1.12 - Pohnpei
 

Atferlismynstur og einkenni

Atferlismynstur og einkenni meðvirkni

Afneitun:

  • Ég á erfitt með að gera mér grein fyrir því hvernig mér líður.
  • Ég geri lítið úr, breyti eða afneita því hvernig mér líður.
  • Mér finnst ég algjörlega óeigingjarn og einarðlega helguð/aður velferð annarra.
  • Mig skortir samúð fyrir tilfinningum og þörfum annara.
  • Ég yfirfæri neikvæð einkenni mín yfir á aðra.
  • Ég get séð um mig sjálf/ur án hjálpar frá öðrum.
  • Ég hyl sársauka minn á margan hátt, svo sem með reiði, húmor og einangrun.
  • Ég tjái neikvæðni eða yfirgang með óbeinum hætti eða aðgerðarleysi.
  • Ég gef engan gaum að því þegar fólk sem ég laðast að er ekki á lausu.

Lítil sjálfsvirðing

  • Ég á erfitt með að taka ákvarðanir.
  • Ég dæmi allt sem ég hugsa, segi og geri harðlega og finnst það aldrei nógu gott.
  • Ég fer hjá mér þegar ég fæ viðurkenningu hrós eða gjafir.
  • Ég er ófær um að biðja aðra um að mæta þörfum mínum eða þrám.
  • Ég tek álit annarra á hugsunum mínum, tilfinningum og hegðun fram yfir mitt eigið.
  • Mér finnst ég ekki vera manneskja sem hægt er að elska og virða.
  • Ég sækist stöðugt eftir viðurkenningum sem mér finnst ég eiga skilið.
  • Ég á erfitt með að viðurkenna mistök.
  • Ég þarf að líta út fyrir að hafa rétt fyrir mér í augum annara og beiti jafnvel lygi til þess að líta vel út.
  • Mér finnst ég vera betri en aðrir.
  • Ég læt aðra sjá mér fyrir öryggiskennd.
  • Ég á í vandræðum með að koma mér að verki og að klára verkefni á réttum tíma.
  • Mér finnst erfitt að forgangsraða hlutum á heilbrigðan hátt.

Undanlátssemi

  • Ég breyti gildum mínum og heilindum til þess að forðast höfnun eða reiði annarra.
  • Ég er næm/ur fyrir því hvernig öðrum líður og mér líður eins og þeim.
  • Ég er fram úr hófi trú/r fólki og kem mér því ekki nógu fljótt úr skaðlegum aðstæðum.
  • Ég met skoðanir og tilfinningar annarra meira en mínar eigin og er hrædd/ur við að láta mitt álit í ljósi ef ég er ósammála einhverju.
  • Ég set áhugamál mín og tómstundir til hliðar til þess að gera það sem aðrir vilja.
  • Ég sætti mig við kynferðislega athygli þegar ég vil ást.
  • Ég tek ákvarðanir án þess að hugsa um afleiðingar.
  • Ég gef eftir gildi mín til að vera samþykkt/ur af öðrum eða til að forðast breytingar.

Stjórnsemi

  • Mér finnst flest annað fólk ófært um að sjá um sig sjálft.
  • Ég reyni að sannfæra aðra um það hvað þeim ,,á” að finnast og hvernig þeim líður í ,,raun og veru”.
  • Ég fyllist gremju þegar aðrir leyfa mér ekki að hjálpa sér.
  • Ég gef öðrum ráð og leiðbeiningar óspurð/ur.
  • Ég helli gjöfum og greiðum yfir þá sem ég vil hafa áhrif á.
  • Ég nota kynferðislegt aðdráttarafl til að öðlast viðurkenningu.
  • Fólk verður að þurfa á mér að halda til þess að ég geti átt í samskiptum við það.
  • Ég ætlast til þess að aðrir mæti þörfum mínum.
  • Ég nota þokka minn og persónutöfra, til þess að sannfæra aðra um að ég sé fær um að sýna ást og umhyggju.
  • Ég nota ásakanir og skammir til að notfæra mér tilfinningar annara.
  • Ég neita allri samvinnu, málamiðlun eða samkomulagi.
  • Ég beiti afskiptaleysi, vanmætti, valdi eða reiði til þess að hafa áhrif á útkomuna.
  • Ég nota hugtök úr bataferlinu til að reyna stjórna hegðun annara.
  • Ég þykist vera sammála öðrum til þess að fá það sem ég vil.

Raunveruleikaflótti

  • Hegðun mín býður upp á að annað fólk hafni mér, svívirði eða reiðist mér.
  • Ég dæmi harðlega það sem annað fólk hugsar, segir eða gerir.
  • Ég forðast tilfinningalega, líkamlega eða kynferðislega nánd í þeim tilgangi að viðhalda fjarlægð gagnvart öðru fólki.
  • Ég leyfi fíkn minni í fólk, hluti og staði að hindra nánd í samskiptum.
  • Ég notast við óbein og óskýr samskipti til að forðast árekstra eða ágreining.
  • Ég takmarka möguleika mína á heilbrigðum samskiptum við fólk með því að nota ekki öll verkfæri batans.
  • Ég bæli niður tilfinningar mínar eða þarfir til þess að forðast að vera berskjaldaður/uð.
  • Ég dreg fólk að mér, en ýti því svo aftur frá mér þegar það nálgast mig.
  • Ég sleppi ekki tökunum á eigin vilja, af ótta við að gefast upp fyrir æðri mætti.
  • Mér finnst það veikleikamerki að sýna tilfinningar.
  • Ég læt þakklæti mitt ekki í ljós.

 

Þýðing í sjálfboðavinnu af þýðingarnefnd CoDA með leyfi ww.coda.org

Previous page: Spor CoDA  Next page: Erfðavenjur CoDA